Jæja - nú blaðra ég bara daglega ;) Allavega þá vildi ég bara vísa á blók þeirra sem voru í 6-U 1998 - 1999 undir slóðinni Annars er best að halda áfram að vinna og svo hringja í löggusalinn til að staðfesta! Bæjó

Vá - hvað það er langt síðan að ég hef gert nokkuð :P Phúfff - þá er mars að verða búinn :( Hvert fer tíminn minn? Ég held að það sé e-r að stela honum, það er sá sami og er að stela pjéningunum mínum! Það er alveg ljóst að hér er eitt stórt samsæri í gangi - ég skil Davíð alveg, þetta er sko ekkert grín. Það hefur svo sem ekkert merkilegt gerst síðan ég blókti... blækti... - humm spurning hvernig á að beygja þessa nýju sögn?? Að blóka - ég blæki - þú blækir - hann blækir - við blækum...?? Ég veit ekki hvort mér finnst að svona eigi að beygja þetta. Vil frekar blóka = blóta svo að ég blóka - þú blókar - hann blókar - við blókum .... og þá ég blókaði. Já, ég held mig við það bara.
Jú - eitt hefur nú gerst alveg stórskemmtilegt. Nú skal jubilera 5 ára útskriftaramæli föstudaginn 6.júní 2003 - jibbí jibbí! Ég verð því bara að rjúka úr miðbænum út á flugvöll takk fyrir - en það er betra heldur en að ég hefði misst af þessu! Ok - tíminn er byrjaður aftur. bæjó

Nóbb - comment kom ekki!! Æi, Sibbi - HJÁLP?? Ég kann ekkert svona dót - en þú ert víst "frá" núna á msn svo ekki þýðir að væla í þér! Hvað á það annars að þýða - áttu ekki að sitja sveittur yfir námsbókunum? Annars er bíllinn minn kominn úr réttingu - jibbí!! Og hann er ekkert smá flottur - bara eins og spánnýr :) Spurning um að bakka á e-ð til að hafa samræmi í þessu? Nei, reyni frekar að snapa mér aftanákeyrslu ;) - þó svo að buddan hafi komið ótrúlega vel út úr þessu er ekki víst að það verði líka næst :S! Það er held ég verra að rétta afturhlera heldur en húdd! Ég verð bara að massa lakkið aðeins og þá verður bíllinn allur jafnflottur og ég rosa gella.
Svo eru þeir farnir að hafa byggingarnar opnar til miðnættis upp í HÍ - mikið var að beljan bar! Bla bla bla - segi ekkert af viti, ekki frekar en aðra daga. Ætla að drusla mér heim og troða mig út af jólaöli og smáökukum - smá forskot á sæluna!

Var að prófa að setja inn svona "comment" - veit nú ekki hvort það hefur tekist. Annars er harði diskurinn farinn yfir um og tölvan því gagnslaus - rétt náði samt að bjarga glósunum mínum, hjúkkett! Vonandi bara að ég gleymdi engu - ég fer allavega og bið um chost-copy af henni áður en þeir hjá Nýherja fá hana. Ok, kíkja á hvort að commentið-dótið virki!

Uhu - ég var búin að æla hér út úr mér í gær helvítis hellling en það fór allt fjandans til (tölvur hafa eigin vilja!!). Ég nenni því engan veginn að skrifa aftur :( Bíllinn er enn skrambúleraður að framan greyið eftir áreksturinn á föstudaginn - það er svona að vera éta og keyra!! Þeir hjá umferðarráði ættu að minnast á það líka - ég passa mig voða vel að ekki drekka & keyra og ekki að tala & keyra, hvernig á maður að muna þetta allt!?! Það er því hér með lika opinbert að hæfileiki kvenna til að gera tvennt í einu er bara klisja - ég hef hér með afsannað þá kenningu!! Annars er þetta stelputuðrunni að kenna sem afgreiddi mig um pylsuna því hún gat ekki fylgt einföldum leiðbeiningum: LITLA SÓSU!!! Heldur þurfti hún að drekkja pulsunni minni í sinnepi :( Svo gat ég ekki einu sinni klárað þessa rándýru pylsu þar sem hún endaði í fanginu á mér, sætinu og stýrinu. Ofan í það þá gusaðist kókið mitt út um allt í bland við pulsuna - ÖMURLEGT!!
Annars er hætt að braka og bresta í tölvunni þegar hún "hugsar" - jibbí! Þetta er samt örugglega bara lognið á undan storminu - hún hrynur illilega bráðlega, ég verð að henda henni niður í Nýherja og heimta viðgerð.
Jæja - best að haska af ársskýrslunni og gera e-ð af viti í vinnunni!